Urubanza rwa Vestine n'umugabo we rwasubitswe bitunguranye.

Nyuma yuko umugabo wa Vestine, Idrissa Ouedraogo asabye urukigo gutegeka umugore we kuzana umwana babyaranye akamumwereka, bakanapima ADN test, kugira ngo hamenyekane isano bafitanye, urukiko rwasubitse uru rubanza Idrissa yaregagamo Vestine.

Kuri uyu wa kane tariki 30 Nzeri 2026, Urukiko rw'Ibanze rwa Kicukiro rwasubitse urubanza Idrissa Ouedraogo yarezemo umugore we Vestine, wamenyekanye mu ndirimbo zo kuramya no guhimbaza Imana, mu itsinda rya Vestine na Dorcas. Idrissa yari yareze asaba ko Vestine yazana umwana babyaranye agapimwa "ADN Test" no kurekwa umwana we, bitewe nuko Vestine kuva yajya muri Canada mu Kuboza kwa 2025, ataragaruka, kandi ninaho yabyariye imfura ye, bivuze ko kuva yabyara, umugabo we Idrissa atarabona uwo mwana.

Amakuru aravuga ko Idrissa wari warareze Vestine muri uru rubanza rwasubitswe, yitabye urukiko ari kumwe n'abanyamategeko be, naho Vestine waregwaga yari ahagarariwe n'umunyamategeko we. Biravugwa ko uru rubanza rw'uyu muryango rushobora kuzabera mu muhezo bitewe n'ubuzima bwite bw'abagize umuryango wa Vestine n'abandi bafite aho bahuriye nawe.