Season ya Gatatu ya filime y'uruhererekane 'Beauty in Black' yasohotse

Season ya gatatu ya “Beauty in Black” yamaze kugera hanze Season ya gatatu ya filime y’uruhererekane “Beauty in Black” yamaze kugera hanze, aho ibice byayo byose uko ari umunani byasohokeye rimwe kuri Netflix kuri uyu wa Kane, tariki ya 27 Kanama 2026. Iyi filime imaze imyaka ibiri ikundwa n’abakunzi ba filime z’uruhererekane kuva yatangira gusohoka kuri Netflix mu 2024. Kuri iyi nshuro, Netflix yasohoye episodes 8 za Season ya gatatu icyarimwe, bitandukanye n’uko byagenze kuri season zabanje, aho ibice byagiye bisohoka mu bihe bitandukanye. Netflix yari yaratangaje mbere ko iyi Season nshya izasohoka ku wa 27 Kanama 2026, kandi nk’uko bisanzwe ku mbuga yayo, ibice byayo byashyizweho mu masaha ya mbere y’uwo munsi. Horace yatumiye abakunzi ba “Beauty in Black” mu birori byo kuyimurika Umukinnyi Ricco Ross, ukina ari Horace Bellarie, umukuru w’umuryango wa Bellarie muri iyi filime, yagaragaje ibyishimo byo kwakira Season nshya. Abinyujije ku rukuta rwe rwa Instagram, yatumiye abamukurikira ndetse n’abakunzi ba “Beauty in Black” mu muhango wo kumurika ku mugaragaro Season ya gatatu wabereye muri Leta Zunze Ubumwe za Amerika. Muri gahunda zo kuyamamaza, biteganyijwe ko i Los Angeles herekanwa ibice bibiri bya mbere bya Season ya gatatu, mu rwego rwo gukomeza kuyimenyekanisha no guha abakunzi bayo amahirwe yo kuyireba mu buryo bwihariye. “Beauty in Black” ni imwe mu nkuru zizwi za Tyler Perry “Beauty in Black” ni uruhererekane rw’amafilime rwakozwe n’umunyamerika Tyler Perry, umwe mu bantu bazwi cyane muri Hollywood mu kwandika, gutunganya no gukora filime n’uruhererekane. Perry azwi kandi ku zindi nkuru zakunzwe cyane, zirimo “The Oval”, uruhererekane rwibanze ku buzima bwa politiki n’ibanga ry’umuryango uba muri White House. Mu 2025, Tyler Perry yanakoze filime “Straw”, inkuru yakunzwe cyane kandi yasize benshi mu marangamutima kubera ubuzima bugoye bw’umugore w’umubyeyi bwari bushingiyeho. “Beauty in Black” yatangiye muri 2024 “Beauty in Black” yatangiye gusohoka kuri Netflix mu mwaka wa 2024, aho Season ya mbere yatangiye tariki ya 4 Ukwakira 2024. Igice cya mbere cya Season ya mbere cyari kigizwe na episodes 8. Nyuma yaho, ku wa 6 Werurwe 2025, Netflix yasohoye igice cya kabiri cya Season ya mbere, nacyo kigizwe na episodes 8. Season ya kabiri yasohotse mu byiciro bibiri Season ya kabiri nayo yakomeje gusohoka mu byiciro bibiri. Igice cya mbere, cyari kigizwe na episodes 8, cyasohotse tariki ya 11 Nzeri 2025. Igice cya kabiri cya Season ya kabiri cyaje gukurikira, gisohoka ku wa 19 Werurwe 2026. Season ya gatatu yasohotse icyarimwe Nyuma y’amezi make, Season ya gatatu ubu yamaze kugera ku bakunzi b’uruhererekane, aho episodes 8 zose zasohokeye rimwe ku wa 27 Kanama 2026. Ibi biha abakunzi ba “Beauty in Black” amahirwe yo kureba Season nshya yose icyarimwe, mu gihe inkuru y’umuryango wa Bellarie n’abandi bantu bagize uruhererekane ikomeza gufata indi ntera.