Rubavu: Visi Meya Nzabonimpa Deogratius yayoboye inama yo gusuzuma ishyirwa mu bikorwa ry’Imihigo

Visi Meya Nzabonimpa Deogratius yayoboye inama yahuje abagize Komite Nyobozi y’Akarere, Abajyanama b’Imirenge, Abanyamabanga Nshingwabikorwa b’Imirenge ndetse n’abayobozi b’amashami mu Karere.

Iyi nama igamije gusuzuma no guhuza imbaraga mu ishyirwa mu bikorwa ry’Imihigo, ndetse n’izindi gahunda z’iterambere ziri gukorerwa muri ako Karere.

Abayitabiriye basuzumye aho gahunda zitandukanye z’iterambere zigeze, barebera hamwe ibyagezweho, imbogamizi zihari ndetse n’ingamba zikenewe kugira ngo ibikorwa byateganyijwe bishyirwe mu bikorwa uko bikwiye.

Inama kandi yari umwanya wo guhuza inzego zitandukanye z’Akarere, kugira ngo buri rwego rugire uruhare mu kwihutisha ibikorwa bigamije guteza imbere imibereho y’abaturage no kugera ku ntego zashyizweho.