Minisitiri Consolee Uwimana yakiriye intumwa za UN Women mu Rwanda

Minisitiri w’Uburinganire n’Iterambere ry’Umuryango, Consolee Uwimana, yakiriye uhagarariye UN Women mu Rwanda, M. Nizigama, n’itsinda bari kumwe, baganira ku buryo bwo kurushaho kunoza ubufatanye hagati ya Minisiteri y’Uburinganire n’Iterambere ry’Umuryango (MIGEPROF) na UN Women.

Ibiganiro byibanze ku byihutirwa u Rwanda rwashyize imbere mu guteza imbere uburinganire, ndetse no ku mishinga ihuriweho igamije guteza imbere uburinganire n’ubushobozi bw’abagore.

Impande zombi kandi zagaragaje ubushake bwo gukomeza gukorana mu gushyigikira gahunda zituma abagore n’abakobwa bagira uruhare rugaragara mu iterambere ry’igihugu.