Leta y'u Burundi yigirije nkana ku babwinjiramo baturutse mu bice bigenzurwa na AFC/M23

Leta y’u Burundi yatangaje ko itazongera kwemera ko abantu bava mu bice bigenzurwa n’ihuriro AFC/M23 mu burasirazuba bwa Repubulika Iharanira Demokarasi ya Congo binjira ku butaka bwayo. BuyMaps

Ku wa 1 Ukwakira 2026, Minisitiri ushinzwe umutekano mu Burundi, Léonidas Ndaruzaniye, yavuze ko iki cyemezo kireba Abanye-Congo ndetse n’abanyamahanga barimo abakozi b’imiryango mpuzamahanga bakorera mu bice bigenzurwa na AFC/M23.

Yabivugiye mu nama yagiranye n’abapolisi i Bujumbura, asobanura ko iki cyemezo kizashyirwa mu bikorwa hashingiwe ku makuru agaragara ku byangombwa by’abagenzi.

Iki cyemezo kije mu gihe AFC/M23 ikomeje kugenzura ibice bitandukanye byo mu burasirazuba bwa RDC, birimo imijyi ya Goma na Bukavu. BuyMaps

AFC/M23 yafashe ibice byinshi ibikuyemo ingabo za RDC, iz’u Burundi n’imitwe ya Wazalendo; ibituma ibihugu byombi bibabazwa n’uko iri huriro rikibigenzura.