Ish Kevin agiye gushyira hanze album yise "Trapish III" yakoranye n'abahanzi 8
Umuraperi Ish Kevin yavuze ko arasohora album ye ya kabiri muri uku kwezi kwa Nzeri tariki 18. Ni album izaba igizwe n'indirimbo icumi, eshanu muri zo yazikoze wenyinye I yitwa "single track". Muri izo ndirimbo harimo: Abajeune yasohotse tariki 14 Kanama 2026. Iyi ndirimbo yanayigize ihagarariye izindi ibizwi nka (Intro).
Mu zindi yakoze wenyine kuri iyi album harimo: Love & Hated, Greatness, Aura, Chat Chat yasohotse 2025 Ugushyingo tariki 28. Izindi ndirimbo eshanu yakoranye n'abandi bahanzi harimo: Back 2 Back yakoranye na Buruklyn Boyz, Question yasohotse tariki 21 Gicurasi 2026, yakoranye na Kenny Sol.
Indirimbo yitwa "Ndabaga" yo yayikoranye n'abahanzi 4, harimo: Logan Joe, Pro Zed bakoranye indirimbo yitwa "King Kong" muri 2021, ni indirimbo yakunzwe cyane n'urubyiruko. Abandi bari mu ndirimbo "Ndabaga" ni OG2Tone na Bibiboi. Indirimbo yise "Body" yo yayikoranye na Ririmba, iyitwa "Best Friend" yo yayikoranye na Njerae, yasohotse tariki 5 Nzeri 2025.
Iyi album "Trapish III" Ish Kevin agiye gusohora yavuze ko ubutumwa birimo bugaruka ku rugendo rwe rwa muzika, ingorane yahuriyemo nazo n'ibindi. Trapish III, ije ikurikiye iyo yakoze muri 2022 yitwa "Trapish II". Ish Kevin yamenyekanye cyane mu ndirimbo yitwa "Amakosi" yasohotse muri 2021 tariki 13 Gicurasi. Iyi ndirimbo yakunzwe n'abantu benshi cyane cyane urubyiruko, bitewe nuko injyana ya trapish yarigezweho muri iyo minsi kurusha izindi.
Ku wa 29 Kanama 2026, Ish Kevin yataramiye abitabiriye igitaramo cya "Diamond Platnumz Experience" cyabereye mu mare bo ya Bk Arena. Muri iki gitaramo yahuriyemo n'abandi bahanzi nyarwanda nka: Nel Ngabo, Dj Marnoud, na Bruce Melody. Iki gitaramo cyanitabiriwe n'umuhanzi wo mu gihugu cya Tanzania Diamond Platnumz, wari umuhanzi mukuru muri iki gitaramo.
