Fally Merci yasobanuye ibyabaye nijoro kuri Kate Bashabe byatumye ataha igitaraganya

Fally Merci yasobanuye impamvu Kate Bashabe yatashye Gen-Z Comedy Fally Merci yavuze ko Kati Bashabe yatashye igitaramo kitarangiye kubera izindi mpamvu, atari uko yibasiwe n'abanyarwenya. Ku mbuga nkoranyambaga haramutse havugwa inkuru nyinshi zigaruka ku cyatumye Kate Bashabe ava mu gitaramo cya Gen Z Comedy Show kitarangiye, bamwe bavugaga ko byatewe n'uko abanyarwenya bamwibasiye bikamurakaza bikarangira ananiwe kwihangana agahita ataha. Kate Bashabe yari yaje gufasha mu gikorwa cy’abanyeshuri Fally Merci yavuze ko Kate Bashabe ubundi atari ari mu bantu baza gutanga ikiganiro muri Meet Me Tonight ahubwo yari yaje gufasha mu gikorwa cyo guha abanyeshuri ibikoresho by’ishuri cyari giteganyijwe. Yavuze ko Kate Bashabe yagize impamvu itunguranye igatuma ahita ataha nta n’iminota 30 ishira ahageze. Gen Z Comedy Show Gen Z Comedy Show ni igitaramo kiba kabiri mu kwezi gitegurwa na Fally Merci, cyabaye mu ijoro ryakeye taliki 27 Kanama 2026. Cyasize ibitekerezo byinshi ku mashusho yagiye ashyirwa ku mbuga nkoranyambaga, aho bamwe bavugaga ko muri iki gitaramo abanyarwenya basigaye bibasira abantu bakitabira aho gutera urwenya rusanzwe.