Diez Dola yifashishije The Ben mu ndirimbo yise Oniva
Diez Dola yateguje indirimbo ye nshya, yakoranye na The Ben, yise "Oniva". Abinyujije ku rukuta rwe rwa Instagram, Diez Dola yashyize hanze ifoto umugaragaza ari kumwe n'umuhanzi The Ben, bigaragara ko ari indirimbo bagiye gusohora bari kumwe. Kuri iyi foto, Diez Dola yicaye ku ntebe imbere ye hari ibitabo, nk'umunyeshuri uri mu ishuri naho The Ben we ahagaze i ruhande rwe afite inkoni mu ntoki nk'umwarimu.
Iyi foto iributsa abakunzi b'indirimbo za Diez Dola, indirimbo yakoze mu mwaka wa 2025, yitwa "Ratata". Muri iyi ndirimbo Diez Dola aba ari mu ishuri hamwe na bandi banyeshuri bisa naho bateje akajagari mu ishuri, ubutumwa bwerekanaga imyitwarire y'urubyiruko rumwe na rumwe rwo muri iyi minsi. Bitewe nuburyo iyi foto Diez Dola yakoresheje ari kumwe na The Ben bisa naho mu mashusho yiyi ndirimbo umwe azitwara nka mwarimu undi akaba umunyeshuri.
Iyi ndirimbo "Oniva" yahawe izina riva ku ijambo ry'Igifaransa "On y va" bisobanura ngo "Tugende, twagiye", ni ijambo rikoreshwa cyane n'urubyiruko, mu tubyiniro no mu bitaramo, akenshi rishirwa mu rurimi rw'Icyongereza bati "Let's go". Iyi ndirimbo iri mu zigize arubumu Diez Dola agiye gusohora yise "Propaganda", yateguje abakunzi be nyuma yibibazo bitandukanye amaez iminsi ahangana nabyo, harimo iby'uburwayi n'ubwimvikane buke hagati ye n'abareberera inyungu z'umuziki we.
Ku wa 12 Nzeri 2026, Diez Dola yashyize hanze agace gato k'indirimbo izaba yitiriye arubumu ye (Propaganda), aya mashusho yagaragayemo agakino gato, uyu muhanzi aganira n'umubyeyi we amubaza uko abona urugendo rw'ibikorwa bye ruzagenda. Mu gihe hataramenyekana abahanzi bose azafatanya nabo kuri iyi arubumu, amakuru ahari nuko mubo bazakorana harimo The Ben bamaze kwemeza ko bafitanye indirimbo ndetse na Bruce Melody ari mu bashobora kuzagaragara kuri arubumu.
