Ariana Grande, Shakira na Burna Boy bayoboye indirimbo zakunzwe ku isi mu mpeshyi ya 2026

Ku rundi rutonde rwa Billboard Global Excl. U.S., rureba ibikorwa by’umuziki hanze y’Amerika, “Dai Dai (FIFA World Cup Official Song 2026)” ya Shakira na Burna Boy ni yo yaje ku mwanya wa mbere. “Dai Dai” yamaze ibyumweru 10 bikurikirana iri ku mwanya wa mbere kuri uru rutonde. Iyi ndirimbo kandi yagaragaye mu bikorwa by’ingenzi by’Igikombe cy’Isi cya 2026, aho Shakira na Burna Boy bayiririmbye mu birori byafunguraga iri rushanwa. Ku rutonde rwa Billboard Global 200, indirimbo “Choosin’ Texas” ya Ella Langley yaje ku mwanya wa kabiri, ikurikirwa na “Billie Jean” ya Michael Jackson. Tame Impala na JENNIE bari ku mwanya wa gatanu n’indirimbo “Dracula”, mu gihe BTS iri ku mwanya wa gatandatu n’indirimbo “SWIM”. Drake, Justin Bieber, Olivia Rodrigo na Olivia Dean na bo bagaragara mu ndirimbo 10 za mbere zakunzwe ku rwego rw’isi muri iyi mpeshyi.

Ku rutonde rwa Global Excl. U.S., nyuma ya Shakira na Burna Boy hakurikiraho BTS na “SWIM”, Justin Bieber afatanyije na Nicki Minaj na “Beauty and a Beat”, ndetse na Michael Jackson n’indirimbo ye “Billie Jean”. Billboard ivuga ko uru rutonde rushingiye ku mibare y’ibikorwa by’umuziki yakusanyijwe mu bihugu n’uduce turenga 200 ku isi, hakarebwa cyane cyane kumvwa no kugurwa kw’indirimbo. Mu gihe abahanzi bashya bagaragaje imbaraga mu 2026, indirimbo za bamwe mu bahanzi bamaze igihe mu muziki na zo zongeye kumvwa cyane. Michael Jackson, by’umwihariko, yongeye kugarukwaho cyane nyuma y’uko filimi ivuga ku buzima bwe ishyizwe ahagaragara. Billboard Global 200 ni urutonde rukurikirana indirimbo zakunzwe ku isi, mu gihe Global Excl. U.S. yibanda ku bikorwa by’umuziki byabaye hanze y’Amerika. Muri uyu mwaka kandi, Ella Langley yaje ku mwanya wa mbere ku rutonde rwa Billboard Songs of the Summer muri Amerika, hashingiwe ku mikorere y’indirimbo “Choosin’ Texas” kuri Billboard Hot 100.