🚨 Amakipe ane ntiyemerewe gukina Shampiyona y’Icyiciro cya Kabiri mu Rwanda

Ishyirahamwe ry’Umupira w’Amaguru mu Rwanda (FERWAFA) ryatangaje urutonde rw’amakipe 16 yemerewe gukina Shampiyona y’Icyiciro cya Kabiri mu Rwanda mu mwaka w’imikino wa 2026/27.

Amakipe 20 ni yo yari yatanze ubusabe bwo gukina iri rushanwa, gusa nyuma yo gusuzuma ibisabwa, FERWAFA yemeje ko amakipe 16 ari yo yujuje ibisabwa kugira ngo yitabire shampiyona.

Amakipe ane atemerewe gukina ni Motard FC, Unity SC, Addax SC n a Muhazi United FC, nyuma yo kutuzuza ibisabwa byagenwe.

Amakipe 16 yemerewe

Amakipe yemerewe gukina Shampiyona y’Icyiciro cya Kabiri mu mwaka w’imikino wa 2026/27 ni:

1. Intare FC 2. Nyanza FC 3. Ejoheza FC 4. Rutsiro FC 5. AS Muhanga 6. Sina Gérard FC 7. Espérance Sportive de Kigali 8. Nkombo FC 9. Espoir FC 10. UR FC 11. Vision Jeunesse Nouvelle FC 12. Skills and Mind FC 13. Tony FC 14. La Jeunesse FC 15. City Boys FC 16. Kamonyi FC

Shampiyona y’Icyiciro cya Kabiri mu Rwanda mu mwaka w’imikino wa 2026/27 iteganyijwe gutangira ku wa 23 Ukwakira 2026, aho aya makipe 16 azatangira guhatanira umwanya mwiza ndetse n’amahirwe yo kuzamuka mu cyiciro cya mbere.